Shoqata e Ndërtuesve nuk është konsultuar asnjëherë për nismën e ligjit për strehimin social, e cila i detyron ata që të japin rreth 3% të sipërfaqes që ndërtohet për banesat sociale.<br /><br />Arben Dervishaj, sekretar i përgjithshëm i Shoqatës së Ndërtuesve, thotë se ligji nuk është korrekt dhe diskriminon këtë kategori biznesi. Ata nuk pranojnë kurrsesi as zgjidhjen që i ka ofruar qeveria, për të shtrirë në kohë pagesën e taksës së infrastrukturës dhe njohjen e shpenzimeve për komunitetin si të zbritshme nga kjo taksë në këmbim të 3% të pallatit.<br /><br /><br /><br />Ndërtuesit janë të paqartë edhe me mënyrën se si është shkruar ligji, e mbi çfarë parametrash është vendosur që të jepen të paktën 50 metra katrorë për sipërfaqet ndërtimit mbi 2000 metra?<br /><br />Kjo nuk ka dyshim që do të përkthehet në rritje të çmimeve të apartamenteve, thotë Dervishaj.<br /><br />Zgjidhja e vetme është Gjykata Kushtetuese.<br /><br />Sipas një llogaritje të bërë nga Shoqata e Ndërtuesve, 20% e kostove të ndërtimit sot e zënë taksat.
